လားရှိုးသာသနာ၊ ကျောက်မဲမြို့နယ်အတွင်းရှိ မိခင်ပန်ပေါက်တိုက်နယ်မှ သာသနာပြုလုပ်ငန်းတွင် ပိုမိုထိရောက်စွာ လုပ်ဆောင်သွားနိုင်ရန်အတွက် မန်မောင်တိုက်နယ်အသစ်တစ်ခုအား မွေးဖွားပေးလိုက်ပြီဖြစ်သည်။
အဖဆရာတော်လုကာ့စ်ဒေါင်ဇေနှင့် သာသနာ၏အကြံပေးဘုန်းတော်ကြီးများမှ ၂၀၂၀ နိုဝင်ဘာ ၁၂ ရက်နေ့ ပြုလုပ်သောအစည်းအဝေးတွင် မန်မောင်တိုက်နယ် အသစ်ကို ထူထောင်သွားရန်ဆုံးဖြတ်ခဲ့ကြပါသည်။ အဆိုပါအစည်းအဝေးဆုံးဖြတ်ချက်အတိုင်း ၂၀၂၁ ဇန္နဝါရီလ (၅) ရက်နေ့တွင် အဖဆရာတော်လုကာ့စ်ဒေါင်ဇေမှ Fr. Augustine Dee Aung အား မန်မောင်တိုက်နယ်အသစ်၏ ကျောင်းထိုင်အဖြစ်ခန့်အပ်ပေးခဲ့ပြီဖြစ်ပါ သည်။ မန်မောင်တိုက်နယ်အသစ်အတွင်းရှိအိမ်ခြေပေါင် (၁၀၀)ကို အဖဆရာတော်လုကာ့စ်ဒေါင်ဇေမှ မိသားစုတစ်ခုစီအား (ဆီ ၅၀ သား၊ ဆား ၁ ပိသာ၊ ခြင်ထောင်တစ်ထည်၊ ကုလာပဲ ၁ ပိတာ) ကူညီပေးခဲ့ပါသည်။ မန်မောင်တိုက်နယ်အသစ်တွင် တာဝန်ကျအစေခံသွားမည့် Fr. Augustine Dee Aung နှင့် ဘာသာသူများအားလုံး ဘုရားရှင်၏ကျေးဇူးတော် အထူးခံစားကြရပါစေ။